ZUbiken ZU izango zara Medialabeko protagonista. Sormen lantegi hauetan probatu, ikusi, esperimentatu, saiatu eta gozatuko duzu. Gainera, hanka ere sartu daiteke, ikasi eta hobetzeko aukera ezin hobea da!
*Lantegiak euskara hutsean izango dira.
Hurrengo datak:
Irailak 15 -- Azalean. Emozioen libelulak
Haurren adimen emozionala garatzeko aukera emango du lantegiak. Esperientzia propiotik landuko dugu, bakoitza nola sentitzen den galderatik hasita.
Irailak 22 -- Kamera iluna
Material sinpleekin kamara ilun bat eraikiko dugu. Argazki kamararen oinarriak ezagutuko ditugu eta argia kamara barnean nola sartzen den ikusi. Lantegi honekin argazkilaritzaren hastapenak ezagutzeko aukera izango dugu.
Irailak 29 -- Soinudun iragarkiak. Sortu zure kuña!
Irrati munduan murgiltzeko prest zaude? Asmatu edo aukeratu nahi duzun produktua eta sortu soinudun iragarkia. Hartu mikrofonoa, prestatu ahotsa eta...REC!
Urriak 6 -- Buruari eragin
¿Ezagutzen al dituzu puzzle edo pentsatzeko bideojokoak? Saio honetan puzleko joko desberdinak azaldu, jokatu eta sortu egingo ditugu.
Urriak 13 -- Aukeratu, elkartu eta sortu
Asmatzaileak izango gara aste honetan. Behar batzuk planteatuko ditugu, eta material ezberdinez baliatuz, bakoitzak bere asmakizuna sortuko du behar horiei erantzuna emateko.
Urriak 20 -- ZUbik diseinatzaileak
“ZUbik, Zatoz laborategira!” imagotipo baten bila dabil. Hitz, kolore, eta forma ezberdinen arteko joku baten bitartez gure irudi berria sortuko dugu.
Urriak 27 -- Bestea ere bagara
Bestearen tokian jartzea garrantzitsua delako, tresna ezberdinak ikasiko ditugu, errespetua, tolerantzia eta enpatia lantzeko.
