Egizu Zuk Zeuk (DIY) eta Egizu Gainerakoekin (DIWO) filosofietan oinarrituz, eta Egizu Familian (DIF) formatoa sortu dugu. Autoikaskuntza eta ikasketa kooperatiboa landuko ditugu, denon artean, bakoitzak dakiguna irakatsiz, gai desberdinak ikasi eta esperimentatuko ditugu.

Lucrecia Martelek bere estilo-marka guztiak erabiltzen ditu 'La niña santa' bigarren lan honetan: elipsia kontakizun forma gisa, soinu-lanaren aberastasuna eta konplexutasuna, eremutik kanpo elementua, begiradak eta gorputzak, familiak eta beren odolak nahastea, sexualitate latentea, eremu itxiak eta gatazka beti lehertzeko zorian, indar natural bat izango balitz bezala.

Berenice Abbotten argazki-erakusketa aprobetxatuz, urtarriletik martxora bitartean irudi horiekin lotura duten hiru lan proiektatuko ditugu: The Quiet One, Sidney Meyers, 1948 eta Little Fugitive, Ray Ashley, Morris Engel, Ruth Orkin, 1953). Lanok une historikoaz gain, herrialde bat eta bertako jendea erretratatzeko ardura hartu zuen belaunaldiaren kontzientzia dokumentalari buruzko hausnarketa partekatzen dute irudi horiekin.