Ubik, arte garaikidean espazializatua eta hiritar guztiei irekia dagoen Tabakalerako sorkuntza liburutegia da.
Sorkuntza liburutegia denez, elkar gurutzatzen diren hiru ardatzetan garatzen da Ubik: ikasi, sortu eta gozatu. Ezinbesteko eta oinarrizkoak diren edozein liburutegiko zerbitzuez gain, ikaskuntza eta sorkuntza gaitasuna zirikatzen ditu, gaian espezializatutako publikoari nola pentsamendu garaikidean, arteetan, teknologian, ikusentzunezko eta soinuan, eta bideojokoetan interesa duen pertsona orori zuzenduta dago.
Ezagutza partekatua, elkarlana eta elkarrekin sortzeak Ubik osatzen dute. Proiektu moldakorra da, gizarteari eskua emanda bide egin nahi duena.
Pantaila esperimentala izen bereko bildumarekin harremana duen gunea da. Bertan, giro lasaian gozatu litezke zine esperimentalarekin lotutako edukiak, zinea modu hurbilagoan bizitzeko aukera emanaz.
Liburutegiko bilduma bereziak: fanzineak, autoedizioak, bideojokoak, esperimentala, gazte eta haurrak, Kioskoa, komikiak, jaialdiak. Gainera, Tabakalerako artxiboa, Makusi. Bertatik sarbidea izango duzu zentroaren jardueratik sortutako dokumentazioarekin osatu ditugun bildumatara.
Ikerketarako laguntza ikasketa eta ikerketa sustatzen dituen zerbitzua da. Liburutegiak bere edukiak, aholkularitza eta laguntasuna eskaintzen ditu hala eskatzen duten ikerlarientzat.
Ubikeko bazkideei baliabideak (argazki kamerak, bideojokoak, MP3 gailuak) mailegatzeko aukera eskaintzen diegu. Era berean, liburutegian sormena lantzeko pentsatutako espazioak erreserbatzeko aukera ematen duen sistema da, platoa edo edizio postuak esaterako.
Ubiken autoedizio txokoa ere badago, bertan fanzinearen munduan eta paperean egiten dituen autoedizio lanetan murgiltzeko parada izango da. Teknologiari eskainitako txokoa ere badago, hiritarrek besteren artean 3D inprimagailua erabiliz esperimentatu dezaten.
Tailerrean, askotariko jarduera programa egingo dugu, liburutegiaren gai nagusiak jorratu eta osatzeko jomuga izango dute ekintza horiek: pentsamendu garaikidea, bideojokoak, autoedizioa, ikus-entzunezkoak, soinua eta teknologia.
Ubiken badago eserita, erdi-etzanda, luze zabal jarrita edo bakoitzak nahi duen moduan egoteko lekua, sofan jarri eta irakurriz edo hiriaren ikuspegiaz gozatuz. Soseguz eta isiltasunean. Espazio hau Ubiken dago eta Egongela du izena. Gozatzeko beste modu bat Kioskoan aldizkari bat hautatu, aurrera eta atzera erabili eta irakurtzea da.
Jolastu nahi duten 0 eta 100 urte bitarteko pertsona guztiek ezagutu beharrekoa da Bideojokoaren Txokoa, mundu hori ezagutu edo bertan murgiltzeko bidea ematen duen gunea, ikasiz, programatuz, bideojokoak sortuz edo jokatuz bakarrik.
Ubik-baita zeharkako proiektu bat da, eta Ubik liburutegi inklusiboa bihurtzea —herritar guztien(tzat) liburutegia izatea— ahalbidetzen duten eguneroko aspektu eta programa zehatz guztiak hartzen ditu barne.
Oharra: Covid-19ak eragindako osasun-krisialdia kudeatzeko deklaratutako alarma-egoera dela eta,Ubik liburutegiak eskaintzen dituen zerbitzuei aldi baterako eragingo die. Kontsultatu hemen Ubikek eskainiko dituen zerbitzuak eta horiek erabiltzeko jarraibideak
Ubiken irekiera ordutegia:
Asteartetik larunbatera: 10:00 - 20:00
Igande eta jaiegunetan: 10:00 - 14:00
Tabakalerako 2. solairua
