IREKIAK Gallery Weekend Donostiak seigarren edizioa ospatuko du aurten eta sekula baina lehenago dator. Orain artean irailean egin ohi zen ekimena maiatzera aurretatu dute antolatzaileek. Maiatzaren 29tik 31ra Donostia arte garaikidearen topagune bihurtuko da, hiriko hainbat espazio artistikotan egingo diren erakusketa eta jarduera ugarien bidez. Data-aldaketa horrekin, hiriarentzat bereziki dinamikoa den unean kokatu da ekitaldia: turismo-denboraldiaren eta udaren hasierarekin bat eginez, tokiko zein nazioarteko ikusleak elkartzeko testuinguru ezin hobean. Hala, arte garaikidearen ikusgarritasuna handitu eta galerien eta erakunde arteko elkarlana sendotuko da, hiriko kultura-ehuna bultzatuz.
\n\nDonostiako Arte Garaikideko Galerien Elkarteak (DAGGE) ateak ireki ditu berriro, herritarrak sorkuntza garaikide berriena sustatzen eta erakusten duten guneetara hurbildu daitetzen. DAGGEk, Donostia Kulturak eta Tabakalerak antolatu eta koordinatuta, IREKIAK Gallery Weekend Donostia urteko ezinbesteko hitzordua da hiriko arte, kultura eta turismoaren panoraman, eta arte garaikideari eskainitako nazioarteko beste topaketa batzuen bideari jarraitzen dio.
\n\nJaialdiaren ardatz nagusietako bat, aurten ere, bisita gidatuak izango dira. Horietan, ibilbide inspiratzailea proposatuko da parte hartzen duten galerietan zehar. Artisten, galeristen eta askotariko publikoen arteko topaketa ahalbidetzea da jomuga. Ibilbide horien bidez, IREKIAKek arte garaikidea ikusle berriengana hurbildu nahi du eta sortzaileek diziplina eta lengoaia anitzetatik garatutako lanari balioa eman.
\n\nInstalazioek, performanceek, argazkigintzak, eskulturak, pinturak, marrazketak, arte digitalak eta proiekzioek osatuko dute IREKIAKen aurtengo edizioaren programazioa. Sei galeriatan egingo dira jarduera horiek guztiak, hiriko hainbat txokotan barreiatuta: Cibrian galeria, La Central Art Gallery eta Arteko Gallery, Grosen; Ekain arte lanak, Parte Zaharrean; Arteztu galeria, Antiguan; eta Sakana Gallery, Egian.
\n\nGALLERY WEEKEND
\n\nIREKIAK maiatzaren 29tik (ostirala) maiatzaren 31ra (igandea) egingo da, ordutegi jarraituan. Bisita gidatuak egingo dira erakusketetara, eta aretoek ateak zabalik izango dituzte, ostiraletik igandera, egun osoko egitarauan.
\n\nAurreko edizioetan bezala, San Telmo Museoaren eta Kutxa Fundazioaren bildumek babestutako artelanen sarirako deialdia egingo da.
\n\n\n\n
ERAKUSKETAK
\n\nARTEKO GALLERY
\n\nIzenburua: SUGERENCIAS PRUSIANAS
\n\nArtista: RAFA SATRÚSTEGUI
\n\nSortzen donostiarra den eta hiriarekin aldizkako lotura izan duen Rafa Satrústeguik bere lana aurkeztuko du, 22 urteren ondoren, bakarkako erakusketa batean Donostian. Azkena 2004an izan zen Galería Dieciséis-en, 2007an zendu zen Gonzalo Sánchezen zuzendaritzapean. Ohiko samurtasun eta lirismoaz, artista Donostiara itzuliko da. Keinuaren indarra eta moldakortasuna, ahalik eta baliabide eta erregistro gutxien erabilita, adieraztea bilatzen duten margolanak eta paperak erakutsiko ditu. Horretarako, kolore guztiak ezkutatzen ditu Prusiar urdina izan ezik, Sugerencias prusianas izenburuko erakusketa honen pigmentu nagusia, ia esklusiboki.
\n\nARTEZTU
\n\nIzenburua: BIZI-MIN-BIZI
\n\nArtista: MIREN GONZÁLEZ GOIKOETXEA
\n\nDuela hiru urte inguru, Miren González Goikoetxeak inpaktu handiko egoerari egin behar izan zion aurre: minbiziari. Hitzaren zama ikaragarria da. Gaixotasunera gerturatzea erabaki zuen, laguntzeko, kolaboratzeko, bisualizatzeko eta normalizatzeko. Horretarako Bizi-min-bizi pintura proiektua sortu zuen. Stephanie Matthews Simonton-en Recuperar la Salud bezalako liburuek gaixotasuna bistaratzeko zuen ideiari testuingurua eman zioten. Lan horretan planteatzen da patologia ikusteak jarrera-aldaketa eragin dezakeela. Inguruan bizi zuen prozesua laguntzeko beharra beste helbururik gabe, Mirenek lan hori egin zezakeela sentitu zuen, bere ekarpen petsonala egiteko baliabide bihurtuta.
\n\nCIBRIÁN
\n\nIzenburua: RUOXI JIN
\n\nArtista: RUOXI JIN
\n\nCibrianek atsegin handiz aurkezten du Ruoxi Jinen bakarkako lehen erakusketa galerian. Ruoxi Jin-ek (Harbin, 1997, Txina) batez ere eskulturaren eta performancearen bidez lan egiten du. Galeriaren sarreran jarritako Becken zutabe batek ematen dio hasiera erakusketari. Aaron T. Beck psikiatrak garatutako ariketa egituratua da, pentsamendu automatiko negatiboak eta portaera-ereduak identifikatu eta berrantolatzeko erabiltzen dena. Horretarako, egoerak, emozioak eta erantzunak kategoria desberdinetan bereizten dira. Hemen, artistak bere egiten du esparru introspektibo hori, eta bere pentsamenduak azaltzen ditu; galerista eta erakusketaren muntaia prozesua inplikatzen ditu, eta autoanalisi psikologikoaren eta kritika instituzionalaren arteko mugak arakatu.
\n
\nEKAIN ARTE LANAK
Izenburua: NATURA | HARMONIA | POESIA
\n\nArtista: MIKEL LERTXUNDI
\n\nEkain Arte Lanak galeriak Mikel Lertxundiren Natura Harmonia Poesia erakusketako formatu txikiko eskulturak eta marrazkiak aurkezten ditu. Material astunak eta sendoak diren harria, egurra eta burdina arin eta hauskor bihurtu ditu artistak; materiaz hustu ahala iradokizunez eta mezuz bete ditu, amuleto antzeko objektu preziatu bihurtzeraino. Txikitasunaren balio handi eta sakonak aldarrikatzen ditu, eta proposamen atsegingarria iradoki, zentzu guztietan eta zentzu guztiei zuzendua, ukimenezko begirada eragiteraino. Tradizioari eta mendeetako historiari egindako ekarpen estetiko atenporala. Naturaren harmonian poesia deskubritzeko gonbita. Lurra eta hark berezkoa duen oreka gerturatuz ikusleari, ezegonkortasun eta aldaketa azkarreko garai hauetan arnasaldia eta pausaldia eskaintzeko.
\n\nLA CENTRAL Art Gallery
\n\nIzenburua: GIPUZKOAN
\n\nArtista: MARIA CASTILLA ALBISU
\n\nCENTRAL Art Gallery-k Maria Castilla Albisu artista gipuzkoarraren erakusketa aurkezten du. Gipuzkoako paisaia omentzen du, eta azken urteko lanaren emaitza da. Maria Castilla Albisuren pintura aski ezaguna den tradizioan kokatzen da —abangoardietatik berrinterpretatutako paisaiarena—, baina ikuspegi pertsonaletik egiten du, literaltasuna zein nostalgia saihetsita. Bere lanak ez du natura deskribatzen: berreraiki egiten du.
\n\nSAKANA
\n\nIzenburua: STORYBOARD
\n\nArtista: JUAN AIZPITARTE
\n\n2023az geroztik, Juan Aizpitarte “Destello” lana garatzen ari da. Peruko kultura xamanikoaren ingurua jorratzen duen fikziozko dokumentala da, eta orain edizio-fasean dago. Storyboardek ez du pelikula hori ilustratzen, beste bide batzuetatik zabaltzen du. Hemen bildutako ikatz-marrazkiek eta eskultura argitaragabeek fantastikoaren artxibo gisa funtzionatzen dute, irudi fotografikoari erreparatu aurretik oroitzapen lauso batek forma materikoa aurkitzen duen leku hori. Mineralez, animalia-gorputzez eta landare-motiboz egindako mundu onirikoa adierazten dute marrazkiek. Eskulturek, teriomorfoaren hurbilekoak izanik, izakiaren eta materia gordinaren arteko bolumenak eskaintzen dituzte; leku probableetan existitu nahi duten forma posibleak dira. Bi diziplinen artean intuizio bera dabil, memoriak desegingo duela mehatxatzen duena bizirik mantentzea, bere itzulpena behartu gabe.
"},"path":{"alias":"/arte-galerien-elkarteak-eta-tabakalerak-irekiak-gallery-weekenden-seigarren-edizioa-aurkeztu-eta","langcode":"eu"},"fecha":"2026-05-22","relationships":{"categoria":[],"media":[{"internal":{"type":"media__image"},"relationships":{"imgSrc":{"uri":{"url":"/sites/default/files/2026-05/image00014.jpeg"},"sizes":[{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":"https://cms.tabakalera.eus/sites/default/files/styles/breakpoint_1920/public/2026-05/image00014.jpeg?itok=v8jTakjE","l":null,"m":null,"s":null,"rrss_l":null,"rrss_s":null},{"xl":null,"l":"https://cms.tabakalera.eus/sites/default/files/styles/breakpoint_31360/public/2026-05/image00014.jpeg?itok=ZrAwAxn2","m":null,"s":null,"rrss_l":null,"rrss_s":null},{"xl":null,"l":null,"m":null,"s":"https://cms.tabakalera.eus/sites/default/files/styles/breakpoint_376/public/2026-05/image00014.jpeg?itok=1nXOh5F-","rrss_l":null,"rrss_s":null},{"xl":null,"l":null,"m":"https://cms.tabakalera.eus/sites/default/files/styles/breakpoint_769/public/2026-05/image00014.jpeg?itok=ilAJokOn","s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":"https://cms.tabakalera.eus/sites/default/files/styles/thumb_rrss_large/public/2026-05/image00014.jpeg?itok=99DAOrtS","rrss_s":null},{"xl":null,"l":null,"m":null,"s":null,"rrss_l":null,"rrss_s":"https://cms.tabakalera.eus/sites/default/files/styles/thumb_rrss_small/public/2026-05/image00014.jpeg?itok=w5jRsfUm"}]}},"imgMetas":{"alt":""}}]}}},"pageContext":{"id":"1a108e41-5e40-5f75-81c2-c965ff1fa4f0","nodeId":13827,"langcode":"eu","nodeMetadata":{"title":"Arte galerien elkarteak eta Tabakalerak Irekiak Gallery Weekenden seigarren edizioa aurkeztu eta data-aldaketa iragarri dute | Tabakalera","description":"Maiatzaren 29tik 31ra IREKIAK Gallery Weekend ekimenak erakusketa eta bisita gidatuen egitarau osoa eskainiko du. DAGGE, Tabakalera eta Donostia Kulturak antolatutako egitasmoa da, San Telmo Museoa eta Kutxa Fundazioaren laguntzarekin. "},"yesterday":"2026-05-21","today":"2026-05-22"}},"staticQueryHashes":["1409045280","1472977592","1549843337","1600800028","1852898869","2156051761","2684269349","2736526504","3122408510","3305536543","3493939040","3649515864","4040268713","63159454","847920557"]}