Donostia Zinemaldiak, Tabakalerak eta Elías Querejeta Zine Eskolak (EQZE) Kabiaren laugarren edizioa egingo dute irailaren 21ean. Kabia ekimenaren jomuga zera da, gorabidean diren zinemagileen eta nazioarteko zinema-industriako profesionalen arteko topaketa, elkartrukea eta sare-sorkuntza piztea. Hitzordua 17:00etatik 19:00etara izango da Tabakalerako Zine eta Ikus-entzunezko Laborategian, eta koktel bat egongo da topaketaren ondoren, 23:00ak arte.
Ekimen honek —gonbidapena behar duenak eta iaz berrogeita hamar pertsona baino gehiago izan zituenak— harremanetan jarriko ditu Zinemaldiko (Nest) zinema-ikasleen film laburren lehiaketan hautatutako hamalau filmetako lantaldeak Ikusmira Berriak, Noka eta 2deo Serieak programetako egoiliarrekin eta Elías Querejeta Zine Eskolako ikasleekin, baita nazioarteko beste prestakuntza- eta garapen-programa batzuetako parte-hartzaileekin ere. Zinemaldian zehar, gainera, deialdi horietako garapen-proiektuek pitch-bideoak izango dituzte Industria Onlinen —Zinemaldiaren plataforma profesionalean—, eta horri esker, proiektu horien nazioarteko proiekzioa indartu eta lankidetzarako aukera berriak faboratuko dira.
Topaketa- eta elkarrizketa-dinamika baten medioz, parte-hartzaileek beren lanak aurkeztu ahalko dituzte, horiei buruzko feedbacka jasotzeaz eta zuzenean hitz egiteaz gainera jaialdietako, garapen-programetako, laborategietako eta beste zinema-erakunde batzuetako profesionalekin. Aurten, hauetako ordezkariak daude gonbidatuen artean: Torino Film Lab, Les Arcs, Sarajevoko Jaialdia, Cannesko Semaine de la Critique eta Berlinale (besteak beste). Funts, ekoizpen edo sustapeneko arduradunak ere han izango dira gonbidatuen artean.
Zinemagileei prestakuntza eta laguntza eskaintzea garrantzitsuagoa da Zinemaldiaren jardueren barnean, erakusketagune gisa duten eginkizuna gainditu eta beren ibilbide profesionalak finkatzen ari direnentzako topagune bihurtzeko xedea ere izan nahi baitu jaialdiak. Horri dagokionez, Kabia beste jarduketa-ildo bat da ahots berriak deskubritzeko konpromiso horretan, eta bat egiten du prestakuntzarekin (EQZEren bidez), proiektuak garatzearekin (Ikusmira Berriak programaren medioz) eta proiektu horiek hedatzearekin (sail propioak egonik Zinemaldian, hala nola New Directors eta Nest).
Talentua sustatzea urte osoan zehar
Tabakalerako Zine eta Ikus-entzunezko Laborategiak etengabe garatzen duen lana islatzen du KABIA ekimenak, gorabidean den talentu zinematografikoa bultzatze aldera.
Tabakalerako Zine eta Ikus-entzunezkoen Laborategiaren egitekoa ikus-entzunezko sorkuntzari laguntzea da, arreta berezia eskainiz talentu berriak detektatzeari, euskarazko sorkuntzari, berrikuntzari eta esperimentazio formal eta teknologikoari, diziplinen arteko elkarrizketa alde batera utzi gabe. Horretarako, proiektuak garatzen laguntzeko hainbat programa eta deialdi bultzatzen ditu, sektoreko erakundeekin eta eragileekin lankidetzan betiere. Nabarmentzekoak dira, horri gagozkiola, Ikusmira Berriak, Donostia Zinemaldiarekin eta Elías Querejeta Zine Eskolarekin batera bultzatutako egonaldietarako eta zinema-garapenerako programa; NOKA, gorabidean dauden zuzendarien film luzeen proiektuei lagun egiteko xedea duena; eta 2deo Serieak, sailen eremuan talentu berriak garatzera bideratuta dagoena.
Deialdi horiez gain, Laborategiak muntaketa- eta postprodukzio-fasean dauden proiektuei laguntza eskaintzen die, guneen eta baliabide teknikoen lagapenaren bidez, eta urte osoan zehar programa bat garatzen du tailer, prestakuntza-saio, proiektu-aurkezpen, pitching eta networking-jardueretarako.
Urte osoan zehar Tabakalerako Zinema eta Ikus-entzunezko Laborategiak proiektuak sortzen eta garatzen laguntzen duen bezalaxe, Zinemaldian zehar irismen handiagoa hartu eta talentu berrien nazioarteko proiekzioa bultzatzen du lan horrek.
"},"path":{"alias":"/kabia-ekimenak-indartu-egin-du-donostia-zinemaldiak-eta-tabakalerak-gorabidean-den-talentu","langcode":"eu"},"fecha":"2026-09-08","relationships":{"categoria":[],"media":[{"internal":{"type":"media__image"},"relationships":{"imgSrc":{"uri":{"url":"/sites/default/files/2026-09/kabia-banner_2.png"},"sizes":[{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":"http://cms.tabakalera.eus/sites/default/files/styles/breakpoint_1920/public/2026-09/kabia-banner_2.png?itok=3yXBnEPG","l":null,"m":null,"s":null,"rrss_l":null,"rrss_s":null},{"xl":null,"l":"http://cms.tabakalera.eus/sites/default/files/styles/breakpoint_31360/public/2026-09/kabia-banner_2.png?itok=G55AtzAZ","m":null,"s":null,"rrss_l":null,"rrss_s":null},{"xl":null,"l":null,"m":null,"s":"http://cms.tabakalera.eus/sites/default/files/styles/breakpoint_376/public/2026-09/kabia-banner_2.png?itok=gW-fR4Zx","rrss_l":null,"rrss_s":null},{"xl":null,"l":null,"m":"http://cms.tabakalera.eus/sites/default/files/styles/breakpoint_769/public/2026-09/kabia-banner_2.png?itok=zfnoIE6K","s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":"http://cms.tabakalera.eus/sites/default/files/styles/thumb_rrss_large/public/2026-09/kabia-banner_2.png?itok=W0d1sx6Q","rrss_s":null},{"xl":null,"l":null,"m":null,"s":null,"rrss_l":null,"rrss_s":"http://cms.tabakalera.eus/sites/default/files/styles/thumb_rrss_small/public/2026-09/kabia-banner_2.png?itok=rhdnQXsd"}]}},"imgMetas":{"alt":""}}]}}},"pageContext":{"id":"908e2d0b-f4f9-5531-8286-8ce3fb117b47","nodeId":14041,"langcode":"eu","nodeMetadata":null,"yesterday":"2026-09-07","today":"2026-09-08"}},"staticQueryHashes":["1409045280","1472977592","1549843337","1600800028","1852898869","2684269349","2736526504","3122408510","3305536543","3493939040","3649515864","4040268713","63159454","847920557"]}