TABAKALERA DANTZAN
\n\nAbuztuaren 11n, 13an eta 14an, Donostiako Musika Hamabostaldiak eta Tabakalerak, Kultura Garaikideko Nazioarteko Zentroak sustatutako Tabakalera Dantzan zikloak Tabakalerako hainbat espazio hartuko ditu bere zazpigarren edizioan. Olatz de Andrésen koordinaziopean, zikloak helburu ditu dantza garaikidearen alorrean sorkuntza sustatzea eta diziplina artistiko horren hedapena eta ikusgarritasuna lortzeko plataforma izatea. Koordinatzailearen hitzetan, \"Urtez urte, Tabakalera Dantzan sendotuz doa, dantza garaikidearen eta ikerketa-dantzaren unibertso zabala hartzen duen espazio gisa. Bilaketa artistiko berezietan diharduten sortzaileen lanak ezagutzeko aukera eskaintzen du. Zikloak dantzarako leku esanguratsua eraikitzen du Musika Hamabostaldiaren baitan, musikarekin, soinuarekin eta espazio arkitektonikoarekin duen harreman zuzena ardatz hartuta. Horrela, dantza bere ohiko testuinguru eszenikotik harago kokatzen du”.
\n\nIon Munduate da aurtengo Tabakalera Dantzan programaren barne Tabakalerak eta Musika Hamabostaldiak babestutako sorkuntza-egonaldian parte hartzen duen koreografoa. Egonaldi horrek ibilbide luzeko sortzaileei beren lana garatzeko espazioa eta gaur egun lantzen ari diren bilaketa artistikoak partekatzeko erabateko askatasuna eskaintzen dizkie. Zentroko instalazioetan hainbat jardunaldi egin ondoren, Blanca Calvorekin (Munduateren kolaboratzaile estua denbora luzez) eta Iñar Sastre pianistarekin batera, abuztuaren 11n, koreografoak \"Hafuura\" lana aurkeztuko du. Obrak ideia hau dauka abiapuntu: dena esentzietara itzul daitekeela. «Zerbait beste zerbait bihurtzen da mugimenduan dagoelako, une baten eta hurrengoaren arteko tartean kokatzen delako», idatzi du Ionek.
\n\nAbuztuaren 13an, Paula Quintanak “Atlas de Anatomía” aurkeztuko du. Horretan, abesbatzaren ahotsak beste gorputz baten moduan aritzen dira, tradizioaren eta garaikidetasunaren arteko espazioa sortuta. Jakintzen polifonia eta nortasun poliedriko zein hibridoa ditu ardatz, izateko modu berriak zabalduta. Testuinguru horretan, flamenkoa, sasikoa, eta kultura latinoa, ezpurua, nortasun-mosaiko baten berezko osagai bihurtzen dira.
\n\nAbuztuaren 14an, 2024ko Dantza Sari Nazionala jaso zuen Lorena Nogal dantzari eta koreografoak “PICASSa” eskainiko du Tabakalerako hainbat espaziotan. Proposamenak Pablo Picassoren lanaren zatikatzeak zein haustura bisualak ditu inspirazio eta artistaren obraren hiru garai islatzen dituzten hiru espazioz osatutako ibilbidea proposatzen du. Gure errealitatea, bai maila fisikoan bai emozionalean, nola hautematen eta onartzen dugun azaltzen du eta estetika kubistarekin eta hark mundua ikuspegi askotatik ikusteko egiten duen gonbidapenarekin zuzenean konektatzen duen esperientzia murgiltzailea da. Bizipen artistikoa obraren eta publikoaren arteko topagunean bertan gauzatzen da. Ikusle izatea eta sorkuntza artistiko batek gugan pizten duena arakatzea etengabeko esperientzia bilakatzen da.
\n\nSarrerak quincenamusical.eus webgunean eta Kursaal Antzokiko zein Victoria Eugenia Antzokiko leihatiletan eros daitezke. Sarrerak geratzen badira, ekitaldi bakoitzaren aurretik Tabakaleran erosi ahal izango dira (eskudirutan bakarrik).
\n\nHauek dira Tabakalera Dantzan zikloaren aurtengo edizioko 3 proposamenak:
\n\nIon Munduate, \"Hafuura\" - Abuztuak 11, 19:30
\n\n“Hafuura”, espiritua, airea, arnasa da oromotarren hitz horren itzulpena; adiera horiek guztiek esentzialera eramaten gaituzte. Proiektu hau denbora analogiko batean lan egiteko Saioa da, hareazko erloju baten barruan egongo bagina eta zapaltzen dugun gainazala aldatzen duen harea horren gainean mugituko bagina bezala. Ahotsaren, gorputzaren, mugimenduaren, hotsaren eta irudiaren bitartez, orainaldi berezi baten bidez eta arnasa komun batez, zerbaiten izaera eta harremanak mugatzen dituzten esentzien bitartez dena konpon daitekeela oinarri duen ideia lantzen du.
\n\nPaula Quintana, \"Atlas de anatomía\" - Abuztuak 13, 19:30
\n\n“Atlas de anatomía” emakume gorputz bat da non elkarturik bizi diren oinordetzan jasotako tradizioak eta ikasitako ereduak, organoekin eta fluidoekin batera. Gorputz hau uhartetarra eta kanariarra da, eta eragin afrolatinoak, andaluziar herentzia eta europar oraina ditu. Gorputz nahasia eta mestizoa da, bere forma guztietan, eta zalantza egiten du ustez ikasi duenaren eta ustez betetzen duen lekuari buruz ikasi duenaren aurrean, identitate askotariko eta konplexu horrekiko erantzukizun gisa, izateko eta lotzeko aukera berrien gose.
\n\nLorena Nogal, \"PICASSa\" - Abuztuak 14, 17:00/19:00 – Hainbat espazio (hasiera: Plaza)
\n\nPicassoren haustura bisualetan inspiratuta, “PICASSa”k desafekzioa, iragankortasunaren arrastoa eta adierazpen-modu berrien bilaketa aztertzen ditu, museo-espazioaren testuingurutik ateratzeko eta eraldatzeko ariketa baten baitan. Kubismoarekin harreman estuan, piezak errealitatea hainbat ikuspegitatik birpentsatzeko gonbita egiten du, harreman berriak ezarriz gorputzaren, irudimenaren eta ikuslearen artean, antzerkiaren muga konbentzionaletatik kanpoko bidaia sortzaile batean.
\n\n\n\n
MUSIKA GARAIKIDEKO ZIKLOA
\n\nMusika Hamabostaldiaren Musika Garaikideko Zikloak jaialdiko musika-proposamen berritzaile eta ausartenetako batzuk biltzen ditu, egungo eta azken urteotako sorkuntzan oinarritutako errepertorioarekin batera. Lehen mailako taldeen eskutik, bere programazioak Euskal Herriko zein nazioarteko konposizioaren azken joeretako batzuk publikoari aurkeztea du helburu. Konpromiso horri jarraipena emateko eta hura sendotzeko, zikloa Tabakalerara, Kultura Garaikidearen Nazioarteko Zentro lekualdatu da. Horrenbestez, Hamabostaldiko musika eta dantza garaikideko programazioa Tabakalerako gainerako diziplina artistikoekin elkarrizketan eta harremanetan izango da.
\n\nAbuztuaren 10, 14 eta 16an estilo ugariko kontzertuak izango dira, askotariko jatorri eta estetiketako musikak izango dira entzungai, gaur egungo sorkuntza berrienak zein errepertorio historikoko lanak. Programazioak, gainera, emakume konpositoreen presentzia nabarmena izango du; izan ere, haienak dira programatutako obren %60 inguru. Horrez gain, Jon Esnaola tolosarraren Zurrumurru lanaren erabateko estreinaldia izango da zikloko une aipagarrienetako bat.
\n\nAbuztuaren 10ean, ziklo honen ibilbideari estu lotutako SIGMA Project saxofoi-laukotea ariko da. Duela 18 urte Musika Hamabostaldian eman zuen bere lehen kontzertua eta ordutik nazioarteko erreferentziazko taldeetako bat bilakatu da. Laukoteak Glass, Haas eta Shawren lanak biltzen dituen programa aurkeztuko du, baita duela gutxi sortutako bi partitura ere: Chaya Czernowinen Undersongs lanaren aukeraketa bat, duela gutxi estreinatua, eta Jon Esnaolaren Zurrumurru lanaren erabateko estreinaldia.
\n\nAbuztuaren 14an, Quatuor Béla hari-laukote frantsesak lehen aldiz parte hartuko du zikloan. Estreinaldi eta enkargu berrien aldeko jardun oparoa duen taldeak munduko lau bazterretako lau emakume konpositoreren lanak interpretatuko ditu. Egitarauan Rebecca Saunders britainiarraren, Misato Mochizuki japoniarraren, Sofia Avramidou greziarraren eta Selim Jeon hegokorearraren lanak izango dira entzungai. Horrez gain, Pablo Sorozabal Konposizio Lehiaketaren azken edizioko partitura irabazlea estreinatuko dute: Pablo Franchelli konpositore argentinarraren Surcando un mar de sueños inmemoriales.
\n\nDúo Cassadó bikoteak abuztuaren 16an amaiera emango dio Musika Garaikideko Zikloari, XIX. mendearen hasieran Erromantizismoaren garapenean funtsezko izan zen Jenako Zirkuluari eskainitako omenaldiarekin. Biolontxelo eta piano bikoteak iraganeko nahiz gaur egungo sortzaileen lanak bilduko ditu, espiritu erromantiko horrekin bat egiten duten egileenak, hain zuzen: Pärt, Tanaka, Richter, Boulanger eta Price. Martina Ampuero artistaren elementu bisualek lagunduko dute Dúo Cassadóren interpretazioa.
"},"path":{"alias":"/tabakalera-dantzan-dantza-bere-ohiko-testuinguru-eszenikotik-haratago","langcode":"eu"},"fecha":"2026-08-04","relationships":{"categoria":[],"media":[{"internal":{"type":"media__image"},"relationships":{"imgSrc":{"uri":{"url":"/sites/default/files/2026-08/20260804_106_tbk_quincena_0.jpg"},"sizes":[{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":"https://cms.tabakalera.eus/sites/default/files/styles/breakpoint_1920/public/2026-08/20260804_106_tbk_quincena_0.jpg?itok=Qn4EXdH3","l":null,"m":null,"s":null,"rrss_l":null,"rrss_s":null},{"xl":null,"l":"https://cms.tabakalera.eus/sites/default/files/styles/breakpoint_31360/public/2026-08/20260804_106_tbk_quincena_0.jpg?itok=DJnL1R2e","m":null,"s":null,"rrss_l":null,"rrss_s":null},{"xl":null,"l":null,"m":null,"s":"https://cms.tabakalera.eus/sites/default/files/styles/breakpoint_376/public/2026-08/20260804_106_tbk_quincena_0.jpg?itok=cChfgeyQ","rrss_l":null,"rrss_s":null},{"xl":null,"l":null,"m":"https://cms.tabakalera.eus/sites/default/files/styles/breakpoint_769/public/2026-08/20260804_106_tbk_quincena_0.jpg?itok=DpAkbAtF","s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":null,"rrss_s":null},{"xl":null,"l":null,"m":null,"s":null,"rrss_l":"https://cms.tabakalera.eus/sites/default/files/styles/thumb_rrss_large/public/2026-08/20260804_106_tbk_quincena_0.jpg?itok=I44gLyOR","rrss_s":null},{"xl":null,"l":null,"m":null,"s":null,"rrss_l":null,"rrss_s":"https://cms.tabakalera.eus/sites/default/files/styles/thumb_rrss_small/public/2026-08/20260804_106_tbk_quincena_0.jpg?itok=Pht3OQUj"}]}},"imgMetas":{"alt":""}}]}}},"pageContext":{"id":"da912a7c-826b-5ae9-a706-f3dd7f369f42","nodeId":13968,"langcode":"eu","nodeMetadata":{"title":"Tabakalera Dantzan: Dantza bere ohiko testuinguru eszenikotik haratago | Tabakalera","description":"Donostiako Musika Hamabostaldiak eta Tabakalerak, Kultura Garaikideko Nazioarteko Zentroak sustatutako Tabakalera Dantzan zikloak Tabakalerako hainbat espazio hartuko ditu bere zazpigarren edizioan."},"yesterday":"2026-08-03","today":"2026-08-04"}},"staticQueryHashes":["1409045280","1472977592","1549843337","1600800028","1852898869","2684269349","2736526504","3122408510","3305536543","3493939040","3649515864","4040268713","63159454","847920557"]}