- Eginzaleak! 2020 - | Tabakalera - Donostia / San Sebastián
icono-entradas.png  Sarrerak eta izen-emateak

Eginzaleak! 2020

Egitearen kultura balioan jartzeko topagunea

Partekatu!

EGINZALEAK! praktika irekien inguruan garatutako proiektuak bilduz, egitearen kultura balioan jartzeko topagunea da. Topaketa urtean zehar Tabakalera eta Medialab Tabakaleraren inguruan, esparru horietan egindako lanen erakusleihoa da, antzeko logikak eta praktikak partekatzen dituzten beste proiektu eta eragileak ere bertara gonbidatuz.

 

Tabakaleran eta gure inguru hurbilean eginzaleak, artisau berriak eta jakin-minez beteriko hiritarrek egindako lana jasotzeko topaketa da Eginzaleak!

 

Topaketak  sorkuntza, fabrikazio digitala, diseinua, berrerabilera, edo kodearen erabilpen berriak bezalako esparru anitzetan hiritarrek egindako proiektuak lotzen dituen jarduera da. Eremu guzti hauek praktika ireki, artisau, kolaboratibo eta zeharkakoen ondorio dira eta Tabakalera eta Medialabaren, erabiltzaile-komunitatearen egiteko moduen isla dira.

Eginzaleak 2013an artisautza digitala “gauzak bere kabuz” (DIY) egiteko baliatzen dutenen ekimenaren inguruan gogoeta gisa sortu zen, maker eta hacker espiritutik abiatuta. Urteak pasa ahala topagune honek, Tabakalerak edo laborategiek egin duten moduan, eraldaketa handia bizi izan du, egun teknologiarekin erlazionatua zegoen gunea, praktika sortzaile eta partehartze modu zabalagoak oinarri dituzten proiektuen erakuslehio bihurtu arte. Eginzaleak! norberak edo elkarlanean egitearen kultura aldarrikatzen duen topagunea da. Bbanakako lana eremu kolektibora zabaldu ahal izateko logikei buruzko hausnarketa-bide bat da, esperientziak eta ezagutzak partekatzeko inguruneak sortu eta "beste batzuekin egitearen" (DIWO) pedagogia sustatuz .

 

Jarduerak

  • Hitzaldiak eta mintegiak
    2020-12-17 - 18:00

    Kimikariak, biologoak, fisikoak, informatikoak eta, azken aldian, makerrak, laborategi mota ezberdinetako biztanleak izan dira. Baina, zer egiten dute artistek itxuraz zientzia eta ingeniaritza helburu duten gune hauetan?

    Lekua: - Online

    + Info

  • Hitzaldiak eta mintegiak
    2020-12-17 - 12:00

    Laborategiak, fablabak, laborategi hiritarrak, sorkuntza eta berrikuntza guneak eta antzeko egiturak sortzen dituzten proiektu eta espazioak gero eta ohikoagoak dira gure inguruan. Litekeena da etorkizun hurbilean esperimentatzeko, ikasteko eta sortzeko espazioen ezaugarriak konbinatzen dituzten gune hibrido horietako asko ohikoak izatea...

    Lekua: - Online

    + Info

  • Aurkezpenak
    2020-12-16 - 18:00

    EGINZALEAK! praktika irekien inguruan garatutako proiektuak bilduz, egitearen kultura balioan jartzeko topagunea da

    Lekua: - Online

    + Info

  • Lantegiak
    2020-12-15 - 18:00

    Pandemia garaiak ekarri duen ondorio nabarienetako bat gure aurpegiak estaltzea bat batean normaltasunaren parte bilakatu dela da. 

    Lekua: - Medialab

    + Info