Tabakalera Txartela | Tabakalera - Donostia / San Sebastián
icono-entradas.png  Sarrerak eta izen-emateak

Tabakalera Txartela

 

Tabakalera Txartela doakoa da eta abantailak eskaintzen ditu hainbat zerbitzutan. Are gehiago, Medialab Tabakalerako sorkuntza liburutegi-laborategiko zerbitzuak irekiko dizkigun giltza da. 

 

ABANTAILAK ETA DESKONTUAK TABAKALERA TXARTELAREKIN

 

  • %10-eko beherapena eduki Tabakalerako zine aretoan, Donostia Kulturak, Euskadiko Filmategiak, EQZE-k, Donostia Zinemaldiak eta Tabakalerak antolatutako saio guztietan.

  • %5-eko beherapena Info Puntuko merchandising produktuetan eta argitalpenetan.

  • Medialabeko liburuak, aldizkariak eta beste eduki batzuk maileguan etxera eraman hilabete baterako.*

  • Medialabeko espazioak erabili: negutegiak, platoa, estudioa, bideojoko-postuak, teknologia-txokoko hiru lantokiak eta edizio-postuak.

  • Medialabeko ikus-entzun errekurtsoak maileguan etxera eraman: Bideo-kamera, argazki kamera, soinu grabagailuak, ordenagailu eramangarriak eta abar.**

  • Medialabeko musika-tresnak erabili: bateria, tronpeta, tronboia, baxua eta gitarra.

 

* Maileguen epemuga zehatzak lotura hau jarraituz kontsulta itzazu: Maileguak

** Epemuga gailuaren araberakoa da. 

 

Adin txikikoak

Adin txikikoek ere Tabakalera Txartela eduki dezakete. Horretarako, honako hau egin behar dute:

 

  • 12-18 urte badituzu: guraso edo tutore baten baimena aurkeztu behar da. Horretarako, honako inprimaki HAU bete eta guraso edo tutoreak sinatuta ekarri behar da, arduradun gisa sinatu duen helduaren NANaren, pasaportearen edo erresidentzia txartelaren fotokopiarekin batera.

  • 12 urtez azpikoak: guraso edo tutore batekin joan Medialabera, eta helduak bere NANa, pasaportea edo erresidentzia baimena aurketu beharko du.   

 

Adin txikikoek, txartelaren erabilerako eskubide berberak izango dituzte. Instalazioen eta mialeguen hartutako eduki edo gailuen erabilera zuzenaren, eta adin txikikoaren jokabide agokiaren ardura gurasoak edo tutureak izango dira.  

 

 

Tabakalera Txartelaren erabilera eta galtzea

 

Txartela pertsonala eta besterezina da. Txartela galduz gero, berri bat inprimitzeak 5 €ko kostua du. Txartela lapurtzen badizute, txartel berria doan eskuratuko duzu, aurrez dagokion salaketa aurkeztuta. 

Tabakalerako txartela galdu baduzu edo ostu badizute +34 943 475 050 telefonora deitu edo medialab@tabakalera.eus helbidera idatzi eta txartela baliogabetuko dugu. Horrela, txartel horrekiko duzun erantzunkizun osoa bertan behera utziko dugu.