- Néstor Basterretxea: ikus-entzunezko praktikatik begirada bat - | Tabakalera - Donostia / San Sebastián

Néstor Basterretxea: ikus-entzunezko praktikatik begirada bat

DIALOGOAK: Kutxa Kultur Artegunea eta " Néstor Basterretxea. Argazkigintzaren bidez" erakusketa

 

Nestor Basterretxea. Argazkigintzaren bidez Kutxa Kultur Artegunean ikusgai dagoen erakusketa aitzakia hartuta, modu paraleloan, proiekzio honek XX. mendeko eta XXI. mende hasierako euskal artista garrantzitsu horren irudiari begiratzen dio ikus-entzunezko praktikatik. 

Euskal zinemaren aitzindaria eta Pelotari (1964) eta AMALUR (1968) filmen egileetako bat, Basterretxearen figura eta nortasuna oso presente dago ikus-entzunezko hiru ekoizpen dokumental eta artistikota hauetan. Irungo Frantzia etorbideko 35. zenbakian dagoen lantegi-etxea, Basterretxeak eta Jorge Oteizak hamarkada bat baino gehiagoz partekatu zutena, protagonista da hemen. Jesús Mª Palacios eta Telmo Basterretxea, artistaren biloba, etxe horri, eraikin hondatuari begira daude, bere iraganean arakatzen ari dira, bere abandonuaren zergatiari buruz galderak egiten dituzte, egun batean abangoardiako artearentzat eta gure modernitate bereziarentzat izan eta esanahi izan zuenari kontrajarrita. Hirugarren ikus-entzunezko lan batek artistaren bizitzan eta ibilbidean murgiltzen gaitu, bakarkako erretratu bat, eta baita taldekakoa ere, zirriborratzen duten argitaratu gabeko argazki-dokumentuak berreskuratuz; bere garaiko gizartearekin konprometitutako artisten kolektibitate batena. 

Proiekzio hau Peio Aguirrek komisariatutako Kutxa Kultur Arteguneko erakusketaren hedadura eta, aldi berean, erdigunea da. Bertan, modu esklusibo eta berritzailean jorratzen da Basterretxearen begirada autorea argazkiaren erdian, aldi berean eta bere baitatik bereizita.

Proiektuak zineman hirurogeiko hamarkadan.

Proiekzioa historiaren ondarea gure orainaldian eta egungo kulturan eguneratzeko aukera gisa aurkezten da. Eta hiru ikus-entzunezkoen egileekin solasaldi ireki bat izango dugu, beren errealizazioei buruz eta horiek lantzeko modu pertsonal eta indibidualari buruz.

 
 

Casa vacía, Jesús Mª Palacios, Espainia, 2012, 20' 

Casa vacia Jorge Oteiza eta Nestor Basterretxea artistak 1957. urtetik 1970eko hamarkadaren erdialdera bizi izan ziren Irungo etxearen hondakinetan barrena eginiko ibilbidea da. Bitartean espazio ilun eta huts hori aztertzen dugun artean elkarrizketa bat ezartzen da orainaldiko irudien eta iraganeko materialen artean.

 

Tienes plena libertad para proyectar, Telmo Basterretxea, Espainia, 2017, 13'

1950eko hamarkadaren erdialdean, Nestor Basterretxeak eta Jorge Oteizak etxe-tailer bat proiektatu zuten Irunen. Bertan bizi izan ziren 12 urtez, atez ate. Abandonatuta geratu ostean, gainbehera hasi zen, gaur egunera arte.

 
 

Un retrato de N.B., Peio Aguirre, Espainia,  2020, 22'

Nestor Basterretxea (1924-2014) artistaren erretratua. Artistaren beraren argazki artxiboko materialekin sortua ia erabat. Ikus-entzunezkoa aldi berean dokumentala eta saiakera da. Bertan XX. mendeko artista baten bilakaera ikusten dugu, modernitatearekin konprometitua eta baita herrikoitasunarekin ere.