- ZUbik - | Tabakalera - Donostia / San Sebastián
icono-entradas.png  Sarrerak eta izen-emateak
Error fetching XML

ZUbik

Zatoz laborategira

 

ZUbiken ZU izango zara Medialabeko protagonista. Sormen lantegi hauetan probatu, ikusi, esperimentatu, saiatu eta gozatuko duzu. Gainera, hanka ere sartu daiteke, ikasi eta hobetzeko aukera ezin hobea da!

 

*Lantegiak euskara hutsean izango dira.

 

Maiatzak 5 -- Abango-artistak! Kubismoa

Abangoardismoan murgildu eta Kubismoko mugimenduaren artistak bilakatuko gara. Goazen gu ere ikus-puntu desberdinekin, geometriarekin eta collage-arekin jolastea!

Maiatzak 12 -- Cyber Medialab. Pantailatik errealitatera

Gamifikazio kontzeptua landuko dugu eta bere nondik-norakoak ezagutuko ditugu, baita erabilpenak ere, hainbat ariketen bitartez. Eta noski! Bideojoko bateko protagonista ere izango gara.

*T Game programa trasnbertsalaren barruko ekintza

Maiatzak 19 --  Artisau-iragazkiak sortzen

Etxean ditugun material ezberdinak erabiliz, argazkilaritzarako artisau-iragazkiak sortuko ditugu. Iragazki hauek argazkiari beste efektu bat emango diote gure argazkien ikuspuntua aldatuz.

Maiatzak 26 -- Tik tak tik tak jarraitu musikograma

Abesti oso ezagunak ulertu eta entzungo ditugu eta gorputzarekin patroi erritmikoak sortuko ditugu musikan eskuhartzen duten elementuak irudikatzen dituzten grafiko eta marrazkien bitartez.

Ekainak 2 -- Zure ametsetako jokoa

Nolakoa da zure ametsetako bideojokoa? Partaide bakoitzak Production Sheet bat osatu beharko du orri bakarrean beraien ametsetako bideojokoaren ezaugarriak eta helburuak deskribatuz eta erakargarria eginez irudi desberdinen bidez.

Ekainak 9 -- Denboraren Arka(de)

Denboran zeharreko bidaia egin bideojokoen historia ezagutuz. Ezagutza arkeologiko honetaz baliatu zure ametsekako makina sortzeko.

Ekainak 16 -- Sortu zure collage aldizkaria

Aldizkari bat sortuko dugu collagearen teknika erabiliz maketazioaren munduko gorabehera guztiak arakatzeko.

Ekainak 23 -- Oroitu. Bizi. Sentitu. Erlaxatu…

Pandemia hilabete hauei errepasoa egingo diegu lantegi honetan. Norberaren esperientzia eta bizipenetatik abiatuko gara eta elkarrizketa eta emozioei bidea irekiko dizkiegu, hausnarketa eta erlaxazioa lantzen ditugularik.

Ekainak 30 --  Azalak eta ilusioak

Eduki ezberdinetako azalak eta argazkilaritzaren perspektiba erabiliz, ilusio optiko dibertigarriak sortzea lortuko dugu argazkiari beste efektu bat emanez.

 

 

 

 

 

Interesa dakizuke

Lantegiak
2019-10-10 > 2020-11-12 - 18:00 - 19:00

Espazioa geurea egiteko ...

Lekua:

+ Info

Lantegiak
2020-01-14 > 2021-12-21 - 11:00-12:00 (Hilabeteko lehen eta hirugarren asteartean)

Itsaspeko gorria hartuta, Medialaben...

Lekua:

+ Info