Fokuak (FK) - Fokua: Zinemaldia + PLUS - | Tabakalera - Donostia / San Sebastián
icono-entradas.png  Sarrerak eta izen-emateak

Fokua: Zinemaldia + PLUS

 

Zinema Tabakaleran bizi da urteko 365 egunetan eta Donostia hamabi hilabeteko zinemaldia da.

Euskaraz, Zinemaldia hitzak “zinema-garaia” esan nahi du; zehazki, dagoeneko Donostian irailean egiten den bederatzi eguneko ekitalditik harago doan garaia.

Hainbat zinemaldik galdetzen dute, hala zinemaren industria nola zinemaldiak mutatzen eta beren lekua aurkitzen saiatzen ari diren garai gorabeheratsu honetan, norantz jo beharko duten etorkizuneko zinemaldiek. Donostiako Zinemaldiak estrategikoki egin du urte osoko zinemaldiaren alde. Horrek egiten du, besteak beste, zinemaldi hau bereizi: Tabakalera eraikinean dauden erakunde bazkideei esker egutegi luzean zehar egin daiteke, eta proiektu eta zinemagileak babes daitezke urte osoan.

Hori dela eta, Zinemaldia, gaur egun, filmak proiektatzeko, ikusarazteko eta sustatzeko esparruetatik askoz harago doa.

Zinemaldi eta egitarauekin egin ohi den hamabi hilabeteko hautaketa- eta lankidetza-jardunari bestelakoak ere gehitu zaizkio: zinema-proiektuak egiteko egoitzen bultzada (Ikusmira Berriak), Elías Querejeta Zine Eskola fundazioa eta bere partaidetza, Zinemaldian Pentsamendua eta Eztabaida izeneko arloa sortu izana, Zinemaldia 70: historia posible guztiak artxibo-proiektua, zinemari buruzko askotariko argitalpen eta ikerketetako partaidetza (adibidez, Zine aldizkaria) eta Tabakaleraren Pantaila Partekatuaren programazioa.

Hain zuzen, hemendik aurrera Zinemaldiak partaidetza aktiboagoa izango du Pantaila Partekatuan, eta hileroko programazioa eskainiko du Zinemaldia + PLUS izeneko foku baten bidez. Urrian eta azaroan 68. edizioan saritutako zenbait emakume zinemagileren aldez aurreko film laburrak berrikusiko dira; ondoren, beste saio batzuen artean, honako hauek eskainiko dira: Zinemaldia 70: Historia posible guztiak proiektuaren ikerketekin lotutako programa publikoak, elkarrizketak Ikusmira Berriak-eko egoiliarren obrekin edo Zinemaldia Eraikitzen irakasgaian (Elías Querejeta Zine Eskolan irakasten dute zinemaldiko taldekideek ezagutza eta esperientziak partekatzera datozen pertsona entzutetsuen gutun zuriak).

 

Noran joan behar dute etorkizuneko jaialdiek? (2021eko apirila-ekaina)

 

 

EGITARAUA

Irailaren 4a, larunbata, 19:00

ZINEMALDIA + PLUS

Deux jours, une nuit (Jean-Pierre Dardenne, Luc Dardenne, Belgika, 2014, 96')

2021ko Donostia sariei omenaldia: MARION COTILLARD

Aurkezpena: José Luis Rebordinos

Irailaren 9a, osteguna, 19:00

ZINEMALDIA + PLUS

Dead Man (Jim Jarmusch, Ameriketako Estatu Batuak, 1995, 120')

Donostia sariari omenaldia 2021: Johnny Depp

Aurkezpena: José Luis Rebordinos

 

---------------------------------------------------------------------------

Urtarrilak 30, larunbata, 19:00

ZINEMALDIA + PLUS

Lehen urratsak / Narratiba berriak

Gorria, Maddi Barber, Espainia, 2020, 22' 

Euritan, Arantza Santesteban e Irati Gorostidi, Espainia, 2017, 21'

Luisa no está en casa, Celia Rico, Espainia, 2012, 19’ 

 

 

Otsailak 18, osteguna, 19:00

ZINEMALDIA + PLUS

Lehen urratsak / Nest + PLUS (69’)

Cualquier ventana en la que esté, Magdalena Orellana, Espainia, 2020, 11'

A better Tomorrow, Haohao Yan, AEB, 2018, 7'

The Speech, Haohao Yan, AEB, 2019, 25' (Nest 2020 aipamen berezia).

The Long Night, Ashmita Guha, India, 2013, 5’

Catdog, Ashmita Guha, India, 2020, 21’ (Nest 2020 film labur onenari saria)

 

Martxoak 20, larunbata, 19:00

ZINEMALDIA + PLUS

Sziget a szárazföldön (The Lady from Constantinople), Judit Elek, Hungaria, 1969, 79’

 

Apirilak 2, ostirala, 19:00

ZINEMALDIA + PLUS

Ikusmira Berriak programako egoiliarrak / Film laburrak.

 

Apirilak 14, ostirala, 19:00

ZINEMALDIA + PLUS

Zinemaldia eraikitzen: Gutun zuria, Vincent Maraval.

 

Maiatzak 31, astelehena, 19:00

ZINEMALDIA + PLUS

Beginning, Dea Kulumbegashvili, Georgia, 2020, 130’

 

Ekainak 11, ostirala, 19:00

ZINEMALDIA + PLUS

Zinemaldia eraikitzen: Gutun zuria.

 

 

 

 

Fokuak (FK)

Nazioarteko zinegile garaikideen berrikustea

  • Data: Ostirala, 2021ko urtarrilak 1 > Ostirala, 2021ko abenduak 31
  • Lekua: Zinea