LEKUTAN | Tabakalera - Donostia / San Sebastián
icono-entradas.png  Sarrerak eta izen-emateak

LEKUTAN

LEKUTAN Kultur Elkartea ikerketa estetikoko eta ekoizpen kulturaleko laborategi bat da. Bilbon dago kokatuta, eta Andrea Estankona Loroño eta Juan Pablo Ordúñez / MawatreS dira bertako kideak. Artearen Historian eta Arte Ederretan prestakuntza izanik, hainbat masterrekin osatu zituzten beren urrats akademikoak, zehazki: Gizarte Zientzietako Ikerketa Masterrarekin, Arte Garaikidearen Kontserbazioa eta Erakusmoldea Masterrarekin eta Ikerketa eta Sormena Artean Masterrarekin. Gaur egun, doktoretza-ikerketak egiten dituzte praktika artistiko eta kulturaletarako instituzionalitate berriei buruz eta hizkera artistiko garaikideetatik oroitzapen eta monumenturako hizkera berriak bilatzeari buruz. 

Bitartekaritza, sorkuntza eta kudeaketa lantzen dituzte. Hainbat ikerketa-proiektutan parte hartu dute kultur eta sormenaren sektoreko berrikuntza-ikasketen arloan Europa mailan (TRANSCREATIVA), estatu-mailan (INNOC) eta eskualde-mailan (INNOCREA, INNOCREA2, GIPUZKOA CREATIVA). Horrez gain, gaur egun, AKMEKA ikerketa-taldeko kideak dira. Ikerketa-talde hori Eusko Jaurlaritzak aitortu eta finantzatu du 2019/21 deialdian. 2014-2016 artean, OREA ikerketa-taldeko kide izan ziren, praktika artistikoak esfera publikoa eraikitzeko metodo gisa lantzeko. La Publika. Powered by Conssoni. Donostia 2016 Europako Hiriburutzarako proiektua. 

Hainbat komunikazio aurkeztu dituzte estatuko eta nazioarteko biltzarretan. Besteak beste, azpimarratzekoak dira hauek: “The Basque case: innovation and emergent creative areas”, Creative Industries and Social Innovation: Concepts, practices and policies biltzarrean, Bordelen, Sinnergiak Social Innovation eta Kedge Business School erakundeek antolatua; “Visual Culture: a key concept on the borderline between social innovation and the digital world”, Nazioarteko I. Mintegi Hispano-Austriarrean, Österreichisches Kultur Forum, Medialab-Prado eta Madrilgo Complutense Unibertsitateak antolatua; REGIÓN (Los relatos) “Cambio del paisaje y políticas del agua” proiektua, Fundación Cerezales eta Museo de Arte Contemporáneo de Castilla y León MUSAC erakundeek antolatua; “Es más fácil imaginar el fin del mundo que el fin del capitalismo”  proiektuan, Koganecho Art Center YOKOHAMAn, Japonia; eta “Death or glory” proiektuan Leeds Est Arts, Leedsen, Erresuma Batuan. 

Hainbat ikerketa-beka jaso dituzte zenbait erakunderen eskutik. Horien artean, hauek nabarmentzen dira: Guggenheim Bilbao Museoa; Amsterdam School for Cultural Analysis (Bizkaiko Foru Aldundiaren bekarekin Atzerriko Ospe Handiko Nazioarteko Zentroetan Bikaintasuneko Trebakuntzarako); Peggy Guggenheim Collection, Venezian; Koganecho Art Center YOKOHAMAn, Japonian; East St Arts, Leedsen, Erresuma Batuan; eta National Gallery Of Jordan, Ammanen, Jordanian. 

Komisario gisa, azpimarratzekoa da "Esku-hartze artistikoak Deustuko zubian" proiektua, Bilbao Ekintzak eta EHUKultura Bizkaiak finantzatutako erakusketa-proiektua. Erakusketak eta komisariotza-testua: http://artepuentededeusto.blogspot.com/. Urteroko edizioa da, eta edizio bakoitzean bost-zortzi artistak hartzen dute parte. Bilboko Arte Ederren Museoko "68aren ostean" erakusketan parte hartu zuten (2018/19). Kalitatezko ekarpenaren balorazioa jaso zuten ikerketa-seiurtekoen 2011-2016 deialdian. 

Bilbao Art District egitasmoaren koordinazioa eta komisariotza ere egin zuten. Publiko berriak sortu nahi dituen sektore artistikoa profesionalizatzeko proiektua da. Erakusketa-proiektua hori Bilbao Ekintzak finantzatzen du.
Erakusketak eta komisariotza-testua: http://www.bilbaoartdistrict.com/. Urteroko edizioa da, eta edizio bakoitzean 20-30 artistak hartzen dute parte. Proiektu estrategikoa da Bilboko Udalaren sustapen ekonomikoaren arloan, baita sektoreen arloan ere, eta edizio bakoitzean 100.000 euroko aurrekontuarekin finantzatzen da. 

 

Proiektuak